CEO 的煩惱

最近與朋友出來食飯講起工作, 她說辛辛苦苦才進入了一間令人很羨慕的會計師行工作, 全球最大的會計師行, 聽落很巴閉, 對不對? 她做了半年便辭去了, 原因是太辛苦, 她說這半年來都是非人生活, 實在捱不下去了, 這樣也好, 因為那種工作實在要犧牲太多時間, 非人人都有那種犧牲精神, 後來她找了一份舒舒服服的工作, 很不錯呢. 怎料她又說自己虛榮心作緒竟然捨不得以前那份做到人想死的工作, 我很驚訝, 她說因為覺得以前的工作很'pro' (專業), 好像是名牌公司, 好巴閉喎, 她好像很矛盾, 想做一份有地位, 又專業, 高收入, 但又不用捱日子, 可以準時放工, 最好又不要太忙, 有多些私人時間, 這種工作是人人都渴望做到的, 但是否真的有這種工作存在呢? 大概都有的, 那便是ceo, 我公司的ceo真的無野做, 日日早上去做gym, 看下報紙, 去下飯局, 人工高, 又是全公司最有權勢的人, 你話好不好? 說起連自己都想笑........
我相信每份工作都有它的好處和壞處的, 沒有一份工是完美無缺的, 就算是ceo都有他的苦處, 只是不足為外人道也, 做人都是別太虛榮了, 還是腳踏實地努力工作吧, 比上不足, 比下有餘, 其實我位朋友已經擁有許多了, 只要知足些, 根本不會有那麼多煩惱

請問史泰龍在嗎?

有一日
小新問爸爸：「爸！生氣、憤怒、發狂同埋哭笑不得有咩唔同呀？
爸爸說：「我做個實驗俾你睇，好容易就會明架喇。」於是爸爸就打開電話簿，隨便搵左一個姓林既電話號碼，就打電話過去，電話接通，爸爸按擴音制同小新一齊聽．．．
爸爸：「請問史泰龍係度嗎？」對方：「你打錯喇？！」爸爸：「無理由，史泰龍係度嗎？」對方：「都話打錯咯！」之後就收左線喇．．．之後，爸爸即刻又打電話過去．．．爸爸：「請問史泰龍係度嗎？」對方：「邊個呀！你打錯呀！」爸爸：「請問史泰龍係度嗎？」對方：「媽的！神經病！！！」又收左線．．．爸爸馬上又再打過去．．．爸爸：「請問史泰龍係度嗎？」對方：「你到底係邊個呀？咁無聊架！」爸爸：「我係布斯韋利士，我要搵史泰龍．．．」對方：「白癡啦！我係阿諾舒華辛力加呀！你ｘｘｘ啦！」講完，又再收線．．．爸爸告訴小新：「咁就係生氣。之後俾你睇睇咩係憤怒啦！」爸爸又又再打電話過去．．．
爸爸：「請問史泰龍係度嗎？」對方：「你係唔係身痕呀？要搵史泰龍打去美國啦！你再敢打黎，我就俾ｄ顏色你睇！」
講完就更用力咁收左線．．．爸爸告訴小新:「咁就係憤怒。然後俾你見識下咩叫發狂吧。」接著，爸爸又打電話過去，呢次隔左一段時間先有人聽，電話一接通對方：「@#$%^&*@#$%@！！！」正當佢破口大罵既同時爸爸：「請問，係林先生嗎？」對方：「喔，真係唔好意思，因為剛才人惡作劇，我唔係故意．．」爸爸：「哦～～冇所謂，請問史泰龍係度嗎？」對方：「哇！你@#$%^&．．．．．．」
呢次冇等佢鬧完，爸爸就收左線。爸爸告訴小新 ：「咁就係發狂喇，知冇？」小新點點頭：「嗯！但．．．咩係哭笑不得呢？」爸爸笑左笑，又打返電話過去，對方好快接電話．．．對方：「喂！你想點呀！？」爸爸：「我係史泰龍，請問頭先係咪有人搵我呀？．．．」